Mit kell tudni a vigjatekrol?

[link]

(az első mondatban benne van már hogy komédia vagy VÍGJÁTÉK)

حيوان اليف بيعيش معاه حتى ممكن فى اودة نومه, و ممكن يستعمله فى الحراسه, او حتى فى الامن و كشف الجرايم لان الكلب عنده حاسة شم قويه. و فيه كلاب ممكن تقوم بدور مرشدين للعمى زى "جولدين تريفر"، أو لرعاية الأغنام زى "انجليش شيبدوج (بوب تيل)". الكلاب بتستخدم كمان فى عمليات انقاذ الناس بعد الكوارث الطبيعيه زى الزلازل, و بتكشف عن المتفجرات اللى ممكن الإرهابين يدسوها عشان يقتلوا الناس, فبطبيعة الحال الحراميه و الإرهابيين بيكرهوا الكلاب.

نوع الكلب و شكله وحجمه وامكانياته هى اللى بتحدد دوره فى حياة الانسان. زى كلاب الحراسه اللى فى الغالب بتكون كبيره وشرسه, اما الكلاب اللى بيربيها الناس لانهم بيحبوها و بيكونو ساعات اصحابهم وبالذات لان الكلب وفى و مخلص جدا مع صاحبه, بتكون اكتريتها صغيره و اليفه. مع ان الكلب حيوان وفى و جميل و ليه فوايد كتيره و محبوب فى الثقافات المتحضره فيه ثقافات بدائيه بتعتبره حاجه بيسموها "نجس" و بتعاديه بناء على معتقدات خرافيه.

جايز ان الكلب هو اقدم الحيوانات المستأنسه أو على الأقل من من اقدمها و رسوماته موجوده فى رسومات المصريين القدام فى العصور الفرعونيه و كان اياميها بيستخدم فى الصيد لكن اكيد مرحلة الإستئناس كانت قبل كده بحوالى ألف أو ألفين سنه و ده لإن تطوير الحواس و الغرايز ما بتكونش بتدريب فردى لكن بالوراثه و دى عمليه بتاخد ميات السنين. النهارده ممكن عمل نوع جديد من الكلاب فى فتره اقل من ميت سنه عن طريق البحث العلمى و التدقيق فى الاختيارات لكن فى العصور القديمه الحاجات دى بطبيعة الحال ماكانتش متاحه. الانجليز عملوا الكلب " البول دوج " و ده كلب نظره ضعيف و شمه مش قوى لكن لطيف و آلوف جداً مع ان سنانه جامده و لو هبر فى حاجه بسنانه بيبقى صعب تخليصها منه. و عملوا كمان كلاب رعاية الغنم زى البوب تيل ( اينجليش شيب دوج ) و غيره اللى بيفهوا أوامر الرعاه و بيعملوله شغله فى رعى الغنم ، و كلاب الرعى الانجليزى بتعتبر بوجه عام متفوقه فى شغلها عن كلاب الرعى التانيه اكمن الانجليز عملوا اختيارات احسن فى عملية الخلط.